Облыс жаңалықтары

13 Тамыз 2019
Балқашта медицина қызметкерлері «Сіздің денсаулығыңыз – біздің қорғауымызда!» атты акция ұйымдастырды

Балқаш қаласында 2 және 9 тамызда тұрғындарға міндетті медициналық сақтандыру жүйесі туралы айтылды. «Сіздің денсаулығыңыз - біздің қорғауымызда!» акциясы М. Хамзин атындағы мәдениет сарайының алаңында өтті. Балқаш тұрғындары тарапынан қойылған сұрақтарға қаланың барлық медициналық ұйымдарының өкілдері жауап берді.
Акция барысында қаланың 60 тұрғыны қандағы глюкоза мен холестерин деңгейін, қан қысымының деңгейін анықтау бойынша экспресс-диагностикадан өтті.
120 адам медициналық сақтандыру жүйесіне қатысты мәселелер бойынша кеңес алды.
Жұма күні 16 тамызда Балқаш қаласында «Денсаулық жолы» бағдарламасы аясында Ашық есік күні өтеді. Келушілерге қан айналымы жүйесі ауруларының алдын алу және міндетті медициналық сақтандыру туралы баяндалады. Ашық есік күні сағат 9.00-ден 12.00-ге дейін №1 емхананың № 3 отбасылық денсаулық орталығында өтеді. Қала тұрғындарын шараға қатысуға шақырады.
 

Вернуться назад